Wikipedia:Cudeschs/Regurdanzas e testimonianzas

Engiadin’Ota

Algords

Algords Regurdientschas d’uffanza e da giuventetgna – vita da Randulin e return L’ediziun preschenta dals enconuschents ‹Algords› dal Randulin da Schlarigna Giovannes Mathis (1824–1912) cumpiglia trais parts: in’emprima che s’avischina tant sco pussaivel als ‹Algords d’infanzia e giuventüna›, scrits oriundamain per ses figl, ina segunda che reproducescha las ulteriuras reminiscenzas dal temp d’uffanza ed ina terza cun ils texts autobiografics da la vita da creschì e da Randulin.  » Dapli infurmaziuns

Surmeir

Rosas e spinas

Rosas e spinas Notizias autobiograficas L’autur surmiran Gion Not Spegnas (1888–1971) è enconuschent per sias poesias e per il drama istoric ‹Benedetg Fontana› ch’è vegnì represchentà l’onn 1964 davant il chastè da Riom. En quest’ediziun dat l’autur percunter invista en sias atgnas staziuns da vita, cun ‹Fragments or da l’istorgia d’ina vita› e la descripziun da viadi ‹En pelegrinadi a Roma. Memoria da l’onn sontg 1925›.  » Dapli infurmaziuns

Sutselva

«Cun l’egliada drizzada anen»

«Cun l’egliada drizzada anen» Autobiografia d’in plevon, magister, filantrop e lexicograf «Cun l’egliada drizzada anen» – uschia caracterisescha Otto Carisch (1789–1858) l’intenziun e direcziun da si’autobiografia scritta oriundamain per tudestg. I na sa tracta pia betg d’enumerar en furma d’ina pura cronica il decurs exteriur da la vita; mabain da sa volver vers il mund intern, da reflectar il succedì en il context da las atgnas ponderaziuns e motivaziuns interiuras.  » Dapli infurmaziuns