Wikipedia:Cudeschs/Uffants
Prescolina e scolina
modifitgar
|
Paraulas da Grimm Frars Grimm sa numnavan ils linguists e scienziads da la cultura populara Jacob Grimm e Wilhelm Grimm tar publicaziuns communablas sco las ‹Kinder- und Hausmärchen› ch’èn daventadas enconuschentas en tut il mund. Lur collecziun da paraulas è cumparida en dus toms ils onns 1812/1815. Per quest’ediziun rumantscha èn vegnidas selecziunadas 36 paraulas. (Dossier tematic) |
|||||||||
Stgalim bass
modifitgar
|
Pederin sgola sin la glina L’emprima represchentaziun da ‹Peterchens Mondfahrt› (sco gieu cun chant e musica) è vegnida dada il 1912 a Lipsia. Il 1915 è suandada l’ediziun en prosa cun illustraziuns da Hans Baluschek. L’autur Gerdt von Bassewitz ha fatg carriera en l’armada prussiana; gia cun 25 onns è el però vegnì pensiunà pervi d’ina malsogna dal cor. Silsuenter è el stà activ sco actur e scriptur. (Dossier tematic) |
|||||||||
|
Heidi Ils dus cudeschs ‹Ils onns d’emprender e da viagiar da Heidi› e ‹Heidi po trair a niz quai ch’ella ha emprendì› ha Johanna Spyri (1827–1901) edì il 1880/81. Gia paucs onns suenter èn quels avanzads ad in success mundial. Cun si’ovra ha l’autura stgaffì in maletg romantic da la Svizra; ma er in raquint davart amicizia, fidanza e curaschi che n’ha pers nagut da ses scharm. (Dossier tematic) |
|||||||||
Stgalim mesaun
modifitgar
|
Ils viadis da Gulliver La versiun originala da ‹Gulliver’s Travels› è cumparida a Londra l’onn 1726. L’autur irlandais Jonathan Swift (1667–1745) è stà preditgant, politicher e scriptur da l’illuminissem tempriv. Betg blers cudeschs pon pretender d’avair delectà tantas generaziuns da lecturs. Sco ch’igl è usità tar ediziuns per giuvenils, cumpiglia er l’ediziun rumantscha ils chapitels 1 e 2 da l’original. (Dossier tematic) |
|||||||||
|
Il Pitschen Prinzi Antoine de Saint-Exupéry (* 1900 a Lyon; † 1944 sper Marseille) è stà in scriptur franzos e pilot. Ses raquint cun caracter da paraula ‹Il Pitschen Prinzi› (1943) tutga cun bundant 140 milliuns exemplars tar ils cudeschs vendids il pli bler en tut il mund. Cun raschun vala quest classicher sco in pledoyer per amicizia ed umanitad pachetà en ina lingua universala. (Dossier tematic) |
|||||||||
