Allegra

Questa pagina è scritta en vallader.

Allegra (plü d'inrar ed impustüt in l'Engadin'Ota la fuorma adverbiala allegramaing) es ün salüd dals idioms vallader e puter chi vain dovrà in Engiadina ed in Val Müstair dürant il temp tanter la bunura tarda e la saira tampriva. Il salüd vain dovrà tanter persunas da listessa posiziun sociala.

Particularità

Quist salüd es singular i'l muond da las linguas. El significha cha quel, chi exprima il salüd, giavüscha a l'oter da viver in allegria. Quai voul dir cha'l salüd svess fa müdar la realità. La scienza linguistica discuorra lapro d'ün fenomen "pled performativ".

Istorgia

Oriundamaing vaiva il salüd ün cuntgnü religius e tunaiva: "cha Dieu (o il Segner) ans allegra".

Colliaziuns

• Artichel davart il salüd allegra illa gazetta Neue Zürcher Zeitung als 29 da marz 2008