Antonija Šola
Antonija Šola (* ils 5 da zercladur 1979 a Zagreb, Jugoslavia, ozendi Croazia) è in'actura, chantadura da pop e chantautura croata.
Vita e carriera
modifitgarAntonija Šola è naschida l'onn 1979 a Zagreb[1] sco figlia da Kaja e Marko Šola. Ella ha passentà sia uffanza a Pula e Bjelovar. A Zagreb ha ella studegià cun success sociologia e croatistica.[2] L'onn 1998 è ella sa participada a la concurrenza per la Miss Croazia. Dapi il 1994 gioga ella la rolla da Tina Bauer-Fijan[3] en la seria sentimentala croata Zabranjena Ljubav (Amur scumandada) sin RTL Televizija. L'onn 2007 ha ella giugà ina rolla ospitanta sco chantadura en la seria televisiva croata Nad Lipom 35.[3] Malgrà che Antonija Šola è principalmain in'actura, ha ella fin ussa cumponì cun success ils texts per dudesch albums musicals sco era per tredesch chanzuns ch'èn vegnidas chantadas a festivals da musica croats. Sco chantadura ha ella cumpilà pliras cumposiziuns[4], per exempel per Toše Proeski, cun il qual è cumparida diversas giadas sco duett.[2]
L'onn 2008 ha ella chantà al festival da musica croata Dora che è en il medem mument era la preselecziun croata per l'Eurovision Song Contest. Cun sia chanzun Gdje je srce tu je dom (Nua ch'è il cor, è era il dachasa) ha ella obtegnì medem blers puncts sco ils gudagnaders Kraljevi ulice & 75 Cents, ma els han gudagnà perquai ch'els han retschet pli bleras vuschs da la giuria che Antonija Šola e las vuschs da la giuria decidan en il cas da paritad.
Plinavant ha ella gudagnà il festival da musica macedon Ohrid Fest 2008 cun la chanzun Božji pat (Божји пат, Senda da Dieu) ch'è la translaziun macedona da ses hit croat Nebu pod oblak.
Ultra da quai collavura ella cun chantauturs, musicists e producents da la Croazia, da la Slovenia, e da la Bosnia-Erzegovina.[5]
Las versiuns da karaoke da sias chanzuns pon ins chargiar giu da sia website.[6]
Sias lavurs
modifitgarSingle
modifitgar- 2006 - Zovem da ti čujem glas
Albums
modifitgar- 2007 - Anđele
Autras chanzuns
modifitgar- „Anđele“
- „Angelu“ (versiun macedona da „Anđele“)
- „Dođi najbrže“
- „Eldorado“
- „Nek ti bude bolje bez mene“
- „Neka bude zauvijek“
- „Što mi radiš to“
- „Zovem da ti čujem glas“
- „Gdje je srce tu je dom“
- „Nebu pod oblak“
- „Božji pat“ (versiun macedona da „Nebu pod oblak“)
Funtaunas
modifitgar- ↑ cfr. https://web.archive.org/web/20090525224620/http://www.hrt.hr/dora/dora2003/biografije/tonka.html
- ↑ 2,0 2,1 cfr. https://web.archive.org/web/20081206191659/http://www.antonijasola.info/
- ↑ 3,0 3,1 cfr. http://german.imdb.com/name/nm1787631/
- ↑ cfr. http://www.diskografija.com/umjetnik/antonija-sola.htm
- ↑ [1]
- ↑ [2]
Colliaziuns
modifitgar- Pagina uffiziala (croat)
- Glista da sias lavurs (discografia) (croat)