Baselgia confessanta

Write.svg Questa pagina è scritta en puter.

La Baselgia confessaunta (per Rumantsch Grischun Baselgia confessanta) d’eira quell’ela dal protestantissem tudas-ch chi refüsaiva d’accepter l’ideologia dal naziunelsocialissem infra la baselgia. La Baselgia confessaunta existaiva traunter ils ans 1933 e 1945 ed as schogliaiva culla fin da la Seguonda Guerra mundiela.

Üna carta da commembranza illa Baselgia confessaunta dal 1934
Crap da fossa d'ün martir da la Baselgia confessaunta, mort in seguit da la tortura düraunt il temp in ün champ da concentraziun

ResistenzaEdit

Traunter oter oppuonaiva la Baselgia confessaunta cunter il princip d’ün mneder in dumandas ecclesiasticas scu cha'l stedi naziunelsocialist ho praticho cun Adolf Hitler per surgnir la controlla totela sur da la vita dals burgais.

PersunasEdit

Figüras prominentas dal movimaint d’eiran Karl Barth e Dietrich Bonhoeffer. Eir laics scu'l poet Rudolf Alexander Schröder pigliaivan part al movimaint.

LitteraturaEdit

  • Alfred Salomon: Sehen wir den Tatsachen ins Auge. Ein Zeitzeuge des Kirchenkampfes berichtet. (= Pigliainsa in vista las realteds. Üna perdütta contemporauna dal cumbat da baselgia raquinta) Calwer Taschenbibliothek Bd. 22. Calwer, Stuttgart 1991, ISBN 3-7668-3111-9

ColliaziunsEdit