Baselgia da Masans

La baselgia da Masans è suenter la baselgia da Son Martin e la baselgia da Comander (Comanderkirche) il pli pitschen dals trais lieus da pregia dal cumin-baselgia refurmà da Cuira ch'è congruenta cun il colloqui IV Cuira. Ella sa chatta entamez il quartier Masans da Cuira, en la via da Masans.

Baselgia da Masans

Vista interiura

Istorgia

Sin il terren da la baselgia è ina giada stada in ospital ch'è vegnì mantegnì da l'uvestgieu da Cuira. La substanza architectonica la pli veglia datescha dal 13avel tschientaner. La baselgia è deditgada a San Bastiaun, il sontg da la pesta.

Il clutger è vegnì erigì en ils temps prerefurmatorics, enturn l'onn 1500. La davosa renovaziun ha gì lieu l'onn 1998.

Funcziun

Agiuntada a la baselgia è la chasa dal plevon dal quartier. La baselgia da Masans è plinavant il lieu nua che han lieu ils servetschs en lingua rumantscha a Cuira ch'è maioritarmain da lingua tudestga.

Galaria

• 
  Vista dal vest, cun il santeri
• 
  Orgla
• 
  Chor
• 
  Fanestra en il chor
• 
  Vista or dal chor en la nav-baselga e sin l'empora
• 
  Tschiel dal chor ornà cun frescos

Colliaziuns

• La baselgia da Masans sin las paginas d'internet dal cumin-baselgia refurmà da Cuira (tudestg)