Chiavenna
Chiavenna (talian Chiavenna, lumbard Ciavèna, istoric: rumantsch 
Clavenna?/i, tudestg Kleven) è ina vischnanca taliana cun 7.263 abitants da la Lumbardia. Ella è situada en la Valchiavenna che furma, ensemen cun la Vuclina, la provinza da Sondrio (Sunder).
Il num da la citad sa referescha a sia posiziun-clav per il traffic cun la Rezia transalpina e las vals dal Rain.
Chiavenna è in impurtant center turistic ed è surtut enconuschenta per ses crottos.
Durant il domini da la Republica da las Trais Lias furma Clavenna in impurtant center da diffusiun dal protestantissem. La citad ha da quel temp dà albiert a divers refurmaturs e dissidents religius talians pervi da la libertad da cult che regeva en la citad: Agostino Mainardi, Pier Paolo Vergerio, Scipione Lentolo, Camillo Renato, Girolamo Zanchi e.u.v..
Monuments e lieus interessants
modifitgarLa citad veglia da Chiavenna en la zona da pedunzs.
- Il Palazzo Vertemate che sa chatta en la vischnanca vischinanta da Plür/Piuro è en possess da la citad da Chiavenna.
- Il Parc botanic archeologic dal Parco Paradiso.
- Il Palazzo Balbiani.
- La punt da san Gion Nepomuc sur il flum Mera cun la statua dal sontg.
- La statua en bronz avant la staziun.
- La via Dolzino
- En ina ascensiun fitg taissa e fadiusa cuntansch'ins Uschione, in vitg visità surtut da viandants.
Dialect
modifitgarA Chiavenna vegn discurrì - sper il talian - il dialect chiavennasc, influenzà dal dialect comasc, sco er dal bregagliot en Svizra.