Donat Cadruvi

Quest artechel ei screts per sursilvan.

Donat Cadruvi (* 19 da settember 1923 a Schluein; † 1 da mars 1998 a Glion) era in advocat, politicher e scribent romontsch.[1]


VetaEdit

DerivonzaEdit

Naschius sco fegl dil lennari Pieder Cadruvi e da Nesa Bergamin, scolasta da lavur manuala crescha el si a Schluein sco burgheis da Ruschein.

Suenter ina scolaziun da commerziant a Ragaz e cun frequentar scolas medias a Turitg ed a Cuera absolvescha Donat Cadruvi la matura silla secunda [2] El pren si 1948 studis da giurisprudenza all’universitad da Friburg culs roms latterals litteratura taliana e franzosa e schurnalistica. Suenter sia promoziun 1952 daventa el actuar dalla dertgira cantunala avon ch’el arva 1955 in biro d’advocatura a Glion.

Donat Cadruvi marida Eugenia Sonder da Savognin. Siu sir Peder Sonder era medemamein giurist a Cuera.

Via politicaEdit

Per la partida cristiandemocrata (CVP) eis el vegnius elegius 1957-1965 e 1967-1971 el cussegl grond dil Cantun Grischun ed els onns 1963-1971 medemamein el cussegl naziunal per la CVP.

1975 ei Donat Cadruvi daventaus mistral da Glion per treis onns ed ei silsuenter daventaus cusseglier guvernativ ella regenza grischuna nua ch’el ha tgamunau 1979-1988 il departement da selva e construcziun.

Via litteraraEdit

Il stil da scriver Donat Cadruvi ei caracteristics per sia clamada. Il drama «La dertgira nauscha» ch’ei mai vegnius menaus si, ha el scret sebasond sin texts vegls ch'el ha duvrau sco fontauna. Duront siu temps all’universitad cumparan empremas publicaziuns litteraras els calenders populars. Ei suondan numerusas publicaziuns da raquintaziuns e novellas mo era litteratura dramatica.

Ovra (selecziun)Edit

Prosa:Edit

  • Tiara e desiert, raquintaziuns romontschas, 1953
  • La famiglia Danton, novella. Ediziuns della revista Retoromontscha , 1972
  • Trapass, raquintaziuns romontschas, Stampa romontscha, 1975
  • O Dieus Pertgiri!, miniaturas, Desertina 1990
  • Tiaracotga, Desertina, 1991
  • Orembora, miniaturas, Ediziuns D
  • Per exempel Gabriel Ritter, ina raquintaziun, 1997

Lirica:Edit

  • Fatschettas, poesias, Ediziuns Desertina, 1985
  • Miu artg sogn Martin, poesias, Romania 1995

Drama:Edit

  • Dertgira nauscha, 1948
  • La Glisch dalla Libertad, 1978

FontaunasEdit

  • Jürg Simonett: Cadruvi, Donat en il Lexicon Istoric Svizzer
  • Giusep Decurtins: Cadruvi, Donat in: Kotte, Andreas (Hg.): Lexicon da teater svizzer, Chronos Verlag Turitg 2005, Tom 1, p. 325–326
  • Jürg Simonett: Cadruvi, Donat en il Lexicon Istoric Retic
  1. Deplazes, Gion. Funtaunas, Istorgia da la litteratura rumantscha per scola e pievel, tom 3, Lia rumantscha, Cuira, 1990.
  2. Fontaunavia.http://tls.theaterwissenschaft.ch/w/index.php?title=Donat_Cadruvi&oldid=17654