Göri Klainguti

Göri Klainguti (* 1. d'avust 1945 a Puntraschigna) è in scriptur rumantsch che scriva texts en puter.

Suenter che Klainguti ha absolvà la scola media a Samedan ed Aschera è el ì a Turitg ed ha fatg la patenta da magister secundar. Plinavant ha el dà scola secundara a Samedan, fatg il pictur e pastur a Tschlin.

El sa descriva sco pictur, pur, magister e scriptur.

Ovras principalas

Gian Sulvèr. Novelle. Lavin: Chasa paterna 96, 1977
Gian Sulvèr. Frei und holperig vom Romanische ins Deutsche übersetzt durch den Autor. Chur: Bischofberger, 1978
Sprincals. Gedichte und Zeichnungen. Zuoz: Eigenverlag, 1978
Rimas e disegns. Zuoz: Eigenverlag, 1979
Bastuns da skis. Lavin: Chasa paterna 102, 1983
Adam da Chamues-ch. Theatertext. Chur: Lia rumantscha, 1985
Linard Lum. Set raquints criminels. Celerina: Ediziun da l`Uniun dals Grischs, 1988
Lum le dédective et son auteur. Vevey: Collection CH édition de l'Aire, 2002
Fagot cun raschladüras. Raquints e cumponimaints. Celerina: Chasa paterna 123, 2004
L'ü. Celerina, Uniun dals Grischs, 2005
Ün pêr baschattas da Marchet Culaischem. Celerina: Chasa paterna 126, 2007

Resumaziun: Fussballino

Il protagonist n'è betg in bun giugadur da fussballino, el è miserabel. Dentant datti er buns giugadurs! Dals indigens èn quai Andreja, che ha in tschert nivel ed er Paulin, ma lez na gioga betg pli. Tschels indigens èn sil nivel dal protagonist. Kurt è er uschè in. I para che ils Svizzers n'èn betg fatgs per il fussballino. Ribi, in Jugoslav, ed il Portugais èn giugadurs fitg buns. I vegn ad in gieu. Il Portugais gioga cun Kurt e Ribi gioga cul protagonist. Damai che Ribi è svelt e fa ina massa goals, gudognan els 9:2 cunter ils auters.

Ribi raquinta pertge ch'el è uschè bun. Cura ch'el lavurava a San Murezzan, aveva el trenà e trenà per gudagnar cunter in Talian che n'aveva anc mai pers in gieu. Suenter la victoria da Ribi cunter quest Talian na han ins mai pli vis el.

Ils Svizzers èn buns patruns, ma per il fussballino èn quai autras naziuns. Po dar che ins gudogna ina giada cunter ils Tamils?

Funtaunas

Deplazes, G., Funtaunas, Istorgia da la litteratura rumantscha per scola e pievel, tom4, Lia rumantscha, Cuira, 1993.
Portrait da Göri Klainguti