Końskowola
| Końskowola | |||
| |||
| |||
| Posiziun | |||
  Końskowola | |||
| Datas fundamentalas | |||
| Stadi |  Pologna
| ||
| Voivodat | Lublin | ||
| Circul (powiat) | Puławy | ||
| Vischnanca (gmina) | Końskowola | ||
| Surfatscha | 9,81 km2 | ||
| Coordinatas | 51° 25′ n, 22° 3′ o | ||
| Populaziun | 2'188 (2004) | ||
| Numer postal | 24-130 | ||
| Preselecziun | (+48) 81 | ||
| Numer da l'auto | LPU | ||
Końskowola [kɔɲskɔ'vɔla] è in vitg e sedia da la vischnanca rurala da medem num en il sid-ost da la Pologna. El appartegna al circul da Puławy dal voivodat da Lublin e giascha al flum Kurówka.
Istorgia
modifitgarDals 8 da zercladur 1532 fin l'onn 1870 aveva Końskowola il status d'ina citad. Il vitg è vegnì numnà tenor ses fundatur Jan Koninski ed è vegnì menziunà l'emprima giada il 1442.
L'onn 1532 ha Końskowola obtegnì il dretg da citad. El è daventà in center dal commerzi cun victualias ed aveva pliras fabricas da textilias. Carstgauns da l'entira Polognia ma era da la Saxonia èn sa domiciliadas qua.
En il rom da la terza spartiziun da la Pologna è il lieu vegnì il 1795 sut domini austriac. Il 1809 è el daventà part dal ducadi da Varsovia. Suenter la revolta da schaner ha Końskowola pers il 1870 il dretg da citad. Dapi il 1918 appartegna el puspè a la Pologna.
A l'entschatta da la Segunda Guerra mundiala, ils 15 da settember 1939, è Końskowola vegnì occupà dals Tudestgs. Igl è vegnì endrizzà in champ per praschuniers da guerra ch'era dentant da curta vita. Il champ da concentraziun ch'è vegnì erigì qua ha existì fin il 1943.
En il ghetto local èn vegnids domiciliads Gidieus da la regiun ma era Gidieus da la Slovachia. Ils 8 da matg 1942 èn blers Gidiues vegnids deportads en il champ d'extirpaziun da Sobibor. L'october 1942 è il ghetto vegnì liquidà dal III battagliun dal regiment da polizia 25, l'anteriur battagliun da polizia da reserva 101. Tar quest'acziun èn morts var 1000 persunas.
Vischnanca
modifitgarA la vischnanca da Końskowola appartegna il vitg Chrząchów.
Turissem
modifitgarIl monument il pli enconuschent da Końskowola è la baselgia catolica cun fossas da famiglia dals Opalinskis e Lubomirskis e cun craps da fossa ch'èn vegnids planisads da Tylman van Gameren. In'ulteriura baselgia dal vitg è vegnida erigida l'onn 1613 en il stil da la renaschientscha da Lublin. Ultra da quai datti in santeri evangelic.
A Końskowola èn morts ils poets polacs Franciszek Dionizy Kniaźnin e Franciszek Zabłocki.
Colliaziuns
modifitgar
Commons: Końskowola – Collecziun da maletgs, videos e datotecas d'audio- Istorgia da Końskowola (polac)