La Chaux-de-Fonds
|
Questa pagina è scritta en sursilvan. |
La Chaux-de-Fonds (franzos [laʃod(ə)fɔ̃], francoprovenzal [la tʃo]) ei in marcau ed ina vischnaunca politica svizra el cantun Neuchâtel. El secatta el nord dil cantun, ella muntogna dil Giura, damaneivel dil cunfin cun la Frontscha.
La vischnaunca da La Chaux-de-Fonds ha in intschess da 55,67 km², dils quals 15,52 km² ein cuvretgs digl uaul, 30,46 km² da surfatschas agricolas e 9,28 km² da habitadi ed infrastructuras. Il punct pli ault secatta a 1 329 m, il punct pli bass a 607 m d'altezia. Il center dil marcau schai sin in'altezia da 986 m[1].
Ils 31 da december 2015 haveva La Chaux-de-Fonds 38 957 habitonts[2] e fuva cuntut la vischnaunca cun il pli grond diember da habitonts dil cantun. El ei era il cauliug dil district dil medem num.
La Chaux-de-Fonds ei enconuschent avontut sco center dalla fabricaziun d'uras.
Annotaziuns
modifitgarColligiaziuns
modifitgar- Jean-Marc Barrelet: Chaux-de-Fonds, La en il Dictionnaire historique de la Suisse
- Pagina-web dalla vischnaunca