La Pagina da Surmeir
| La Pagina da Surmeir | |
| |
| Pajais |  Svizra
|
|---|---|
| Lingua(s) | rumantsch (surmiran) |
| Cumpara | mintg'emna |
| Gener | general |
| Ediziun | 1'700+ ex. (2000) |
| Data da fundaziun | 1946 |
| Emprim'ediziun | 6 da zercladur 1946 |
| Lieu d'ediziun | Savognin |
| Editur | Uniun rumantscha da Surmeir |
| Chauredactur | Peder Antona Baltermia |
| ISSN | - |
| Website | U-R-S.ch |
La Pagina da Surmeir è ina gasetta emnila rumantscha en il Surmeir. Siond l'emprim numer vegnì publitgà ils 6 da zercladur 1946, cumpara ella en la 63avla annada. La gasetta dumbra radund 1'700 abunents, da quels vivan circa 60 pertschient en il Surmeir ed il rest en l'intschess dal Grischun, en la Bassa ma er a l'exteriur. Ella rapporta per gronda part ord il Grischun central.
Istorgia modifitgar
Supplement da la Gasetta Romontscha modifitgar
Il 1921 è sa furmada l'Uniun rumantscha da Surmeir (URS) ch'aveva tranter ses postulats ils pli impurtants la fundaziun d'ina gasetta regiunala per il Surmeir. Il ha dentant cuzzà 25 onns per realisar ina tala. Ils meds finanzials han impedì che La Pagina da Surmeir cumparess sco gasetta independenta ed uschia è ella cumparida l'emprima giada ils 6 da zercladur 1946 sco part integrala da la Gasetta Romontscha. A l'entschatta è ella cumparida ina giada il mais cun ina pagina, quai che declera il num. Per abunents da la Gasetta Romontscha era la Pagina includida en il pretsch d'abunament. Igl era però pussaivel da retschaiver il supplement separà che custava 2 francs l'onn.[1]
La Pagina da Surmeir era drizzada encunter Igl Grischun Central da Leza Uffer ch'è cumparì tranter l'october 1946 e l'avrigl 1948. L'URS ha crititgà quel per sia ortografia inconsequenta e la mancanza d'engaschament politic e social.[2]
Gasetta mensila independenta modifitgar
Damai che la situaziun cun la Gasetta Romontscha n'era cuntentaivel né per l'URS né per ils lecturs, ha l'URS decidì il november 1949 da laschar cumparair la Pagina sco gasetta independenta. Ils meds finanzials n'ha dentant betg lubì d'augmentar la purschida ed ella è cumparida vinavant sco gasetta mensila. Fin lura ha la Pagina tractà temas sco educaziun, lingua, chant e musica, folclora, religiun e surtut politica. Cun la separaziun vegnivan vitiers successivamain «tematicas cun aspect propi dalla regiun».[1]
La lavur da redacziun è vegnida prestada da collavuraturs da l'URS en lur temp liber, er quels che n'ha anc mai gì insatge da far cun il schurnalissem. Uschia è la gasetta cumparida durant bunamain trais decennis ina giada il mais.[1]
Tar la gasetta emnila modifitgar
.
Redacturs modifitgar
.
Litteratura modifitgar
Gion Deplazes: La Pagina da Surmeir en il Lexicon istoric retic- 60 onns gasetta per igls Surmirans. En: La Pagina da Surmeir. 12.01.2006 (online)
- Anna Maria Cantieni: Geschichte der rätoromanischen Presse in Graubünden. 1984 (o.t. p. 36–37)
- Deplazas, Funtaunas, Istorgia da la litteratura rumantscha per scola e pievel, tom 3, p. 34–35, Lia rumantscha, Cuira, 1993
- 75 onns Uniun Rumantscha da Surmeir 1921–1996, p. 77–80
