La Plaiv
La Plaiv è ina regiun dal chantun Grischun en il nordost da l'Engiadin'Ota tranter La Punt Chamues-ch e S-chanf. Il num La Plaiv s'explitgescha cunqaui che la cuntrada è pli u main congruenta cun l'anteriura plaiv da Zuoz cun la baselgia da San Luzi en il center.
La cuntrada La Plaiv è il resultat da la rivalitad tranter Samedan e Zuoz en il temp medieval tardiv e da la separaziun da l'Engiadin'Ota l'onn 1438 en dus cumins cun cunfin tar la Funtauna Merla sper l'anteriura culegna Las Agnas.
Oz sa commerzialisescha La Plaiv sco „das andere Engadin“ (l'autra Engiadina) en cuntrast cun las destinaziuns turisticas principalas enturn San Murezzan, ils lais da l'Engiadin'Ota e la regiun dal Bernina.