Lingua interslava
| Interslav medžuslovjansky | |
|---|---|
| Autur | Jan van Steenbergen, Vojtěch Merunka |
| Creaziun | 1666; 2006 |
| Regiun | Europa orientala |
| Pledaders | plirs tschients |
| Tipologia | SVO |
| Classificaziun | |
|
- Lingua artifiziala | |
| Codes da lingua | |
| ISO 639-3 | isv |
| Exempel | |
|
Vsi ljudi sut rodženi svobodni i ravni v svojih dostojenstvu i pravah. Oni sut obdarjeni razumom i svěstju, i trěba jest jim postupati drug s drugom v duhu bratstva. | |
L'interslav (medžuslovjansky) è ina lingua auxiliara internaziunala per la communicaziun tranter pledaders da las linguas slavas. Il è essenzialamain ina versiun pli simpla e modernisada dal slav da baselgia vegl, creata cun la mira d'esser uschè chapaivla sco pussaivel senza conuschientscha precedenta per in dumber da Slavs uschè grond sco pussaivel. Per autra glieud el è gidaivel tar l'acquisiziun d'ina lingua slava. L'interslav vegn scrit cun dus alfabets: l’alfabet latin e l’alfabet cirillic.
Quest linguatg ha in'istorgia lunga: l'emprima grammatica da l'interslav è vegnida scritta en il 17avel tschientaner dal spiritual croat Juraj Križanić. Ozendi el è in project collaborativ, cumenzà l'onn 2006 sut il num Slovianski e renumnà l'onn 2011 en interslav suenter la fusiun cun in auter project. Ses auturs principals èn il linguist e translatur ollandais Jan van Steenbergen ed il informaticher tschec Vojtěch Merunka. L'interslav ha plirs tschients utilisaders.[1]
Annotaziuns
modifitgar- ↑ G. Iliev, Short History of the Cyrillic Alphabet (Plovdiv, 2012), p. 67.
Colliaziuns
modifitgar
Commons: Interslav – Collecziun da maletgs, videos e datotecas d'audio