Oscar Tschuor

Questa pagina è scritta en sursilvan.

Oscar Tschuor (* 2 da fenadur 1912 a Rueun; † 29 da matg 1987 a Cuera) era in cumponist e dirigent grischunès.

Biografia

Sco ses tschun fargliuns ha el frequentau la scola primara da Rueun, silsuenter ha el visitau il gimnasi da Saint Maurice, nua ch'el ha empriu franzos e terminau ses studis commerzials. Egl onn 1940 ha Tschuor maridau Elisabeth Westreicher, cun la quala el ha giu treis affons

Plitard ha Tschuor studegiau musica tier Lorenz Chresta (1878-1946) a Cuera ed al conservatori da Turitg tier Ernst Lüthold (1904-1966). Diregiu ha el cunzun orchesters e musicas, aschia denter 1965 entochen 1970 la Stadtmusik Chur, mo era societads a Zezras denter 1956 e 1966 ni Alpina Churwalden digl onn 1962 entochen 1979.

Per talas formaziuns d'orchester ha Tschuor scret ses pli enconuschents marschs, siu toc il pli popular ei il marsch San Carlo. Tschuor era en differentas commissiuns cantunalas ed ha fundau ensemen cun Caspar Cabalzar e Battesta Bigliel 1976 la secziun da veterans dalla Uniun cantunala da Musica Grischun.

Ovras

• 1961 Montana, marsch
• 1966 Alpina, marsch
• 1971 Schlitteda - Engadiner Schlittenfahrt, galop
• 1972 Für Stadt und Land, selectie
• 1975 Casaulta, marsch festiv
• 1982 Churer Marsch, marsch
• Albula, marsch festiv
• Arosa, marsch
• Bellaria, walser
• Bernina, marsch
• Fontana, marsch
• Gossauer Marsch
• Muntanella, polka
• San Bernhardino, marsch
• San Carlo, marsch
• Scesaplana, marsch
• Silvaplana, walser
• Surselva, marsch