Pass dal Segnas
Il Pass dal Segnas (2627 m.s.M.) es in pass alpin che collia il Chantun Glaruna cul Chantun Grischun. El maina dad Elm en Glaruna vi Flem e collia aschia il Sernftal e la Surselva. Sil cuolm es il cunfin da l'aua tranter la Linth ed il Rain.
| Segnas | |
|---|---|
| Autezza | 2'627 m s.m. |
| Posiziun |  Svizra
|
| Chadaina | Alps |
El sid, vegnend da Flem curt avant il pass sa catta la rusna Sogn Martin agl ur da las Set soras. Sogn Martin es era representà en la vopna comunala da Flem. Ils 12 da marz ed ils 30 da settember glischa il sulai atras la rusna sin la baselgia dad Elm.[1] En il ost dil pass stat il marcant Piz Segnas cun ina altezza da 3099 meters.
Durant la Segunda Guerra Mundiala han ins construí in albiert militaric. Il pass avaiva maina ina pli granda impurtanza economica cunquai ch'il pass es cun fitg aut e strusch passabels cun vatgas. La chanzun dal Scarvon Gion Paul da Flem raquinta che glarunais hajan engulà la biestga da Flem sur ils pass. Tenor Bundi vegn qua pli probabel mischedà cunflicts culs cunfins vers Glaruna cun in enguladetsch da biestga durant ina guerra cura ch'ins ha manà vatgas sur il Cunclas giu.[2]
Access
modifitgarIgl access dad Elm es fitg stip, in levgiamaint es la pendiculara sil Nideren. Da Flem es igl access pli planivs e pli lungs. Fin igl onn 2015 menava ina cabina construida 1956 da Naraus siadora si Cassons. Oz es Naraus la staziun che levgiescha igl access al pass. Naven dil Fil de Cassons, 2700 m.s.M., contonsch'ins sbassond per 300 meters d'altezza il plaun dil Segnas sura. Igl access da la vart da Flem es vegní menders cunquai che naiv perpetna es luada e la cabina da Cassons spazzada. La Secziun Rezia dal SAC ha construí 1899 ina tegia da club sin 2130 m.s.M.
Varia
modifitgarIgl emprim hotel da Flem, avert 1870 entras Mathias Candrian, porta il num Segnes suenter il pass dal Segnas.
Litteratura
modifitgar- Manfred Hunziker: Ringelspitz/Arosa/Rätikon, Alpine Touren/Bündner Alpen, Verlag des SAC 2010, ISBN 978-3-85902-313-0, S. 168.
- Landeskarten LK: 1174 Elm 1:25:000