Richard Nixon
Richard Milhouse Nixon (* 9 da schaner 1913 a Yorba Linda, California; † 22 d'avrigl 1994 a New York) è stà il 37avel president dals Stadis Unids da l'America durant ils onns 1968 enfin 1974. Republican da California. Uffizier da la marina en la Segunda guerra mundiala. Deputà al congress e senatur per la California durant ils onns 1947 enfin 1953. L'onn 1952 è el vegnì elegì sco vicepresident cun la victoria electorala da Eisenhower. L'onn 1960 ha el pers il cumbat electoral per il presidi cunter Kennedy, ma ils onns 1968 ha el gudagnà cunter Hubert Humphrey e l'onn 1972 cunter George McGovern. Ensemen cun Henry Kissinger ha Nixon manà ina politica exteriura innovativa envers Moscau e la China da Mao. El ha medemamain cuntanschì ina schliaziun per ils scumbigls en il Vietnam. Ma el ha polarisà fermamain en la politica interna. Il scandal da Watergate ha sfurzà Nixon da demissiunar anticipadamain ils 9 d'avust 1974.
| |
| Titel: | 37avel president |
| Temp d'uffizi: | 20 da schaner 1969 - 9 d'avust 1974 |
| Predecessur: | Lyndon B. Johnson |
| Successur: | Gerald Ford |
| Data de naschientscha | 9 da schaner 1913 |
| Lieu da naschientsha: | Yorba Linda, California |
| Data da mort: | 22 d'avrigl 1994 |
| Lieu da mort: | New York, Stadis Unids |
| Dunna: | Patricia Nixon |
| Professiun: | Advocat |
| Partida politica: | Partida republicana |
| Vicepresident: |
Spiro Agnew (1969-1973) |
| Predecessur(a) Lyndon B. Johnson |
President dals Stadis Unids da l'America 1969-1974 |
Successur(a) Gerald Ford |