Simon Caratsch

Simon Caratsch (era Simeon Caratsch; * 25 da matg 1826 a S-chanf; † 27 da favrer 1892 a S-chanf) è stà in poet rumantsch.

Simon Caratsch

Vita

Simon Caratsch è naschì l'onn 1826 a S-chanf. Suenter avair frequentà la scola dal vitg e l'institut Hotz a Thalwil (ZH), è el partì per Modena, nua ch'el ha fatg in emprendissadi en in affar da parents. Durant ina curta dimora en Engiadina il 1864–65 ha Caratsch redigì il Fögl d'Engiadina en il qual el ha publitgà sias poesias. Lura è el sa domicilà a Turin, nua ch'el ha manà ina bieraria. Ils ultims onns da sia vita ha el passentà a S-chanf ed è mort là il 1892.

Ovra

Simon Caratsch ha translatà diversas farsas or dal talian, per part ensemen cun Gian Fadri Caderas. Cun lez ha el er cumponì las cumedias «Il spiert del Piz Bernina ed il landamma d'Engiadina» ed «Ils duos poets». Sias poesias èn cumparidas en dus toms il 1861 ed il 1885 a Turin.

Publicaziuns

Raccoltas da poesias

• Poesias umoristicas e populeras in romauntsch d'Engiadin'ota. Canfari, Turin 1865
• Poesias umoristicas e populeras in romauntsch d'Engiadin'ota. Seguonda ediziun aumentada. ibidem 1881
• Revistas umoristicas e satiricas dels ans 1866 al 1879. Bellardi e Appiani, Turin 1885

Funtaunas

• Simon Caratsch en il Lexicon istoric retic
• Peider Lansel: Musa ladina. Antologia da la poesia engiadinaisa moderna, precedüda d'üna cuorta survista da nossa litteratura poetica. Engadin Press, Samedan 1910.