Fögl d'Engiadina
| Fögl d'Engiadina | |
| |
| Pajais |  Svizra
|
|---|---|
| Lingua(s) | rumantsch puter |
| Cumpara | (mintg'emna) |
| Gener | surtut linguistica e cultura |
| Data da fundaziun | 1857 |
| Emprim'ediziun | 01.01.1858 |
| Data da l'ultim numer | 1940 |
| Lieu d'ediziun | Zuoz (1858–1865), Samedan (1865–1940) |
| ISSN | - |
Il Fögl d'Engiadina è stà ina gasetta da l'emna rumantscha per l'Engiadin'Ota. Ella aveva ina tenuta liberalisanta e la finamira da «tgirar la lingua e la cultura rumantscha, oravant tut quella putera».[1]
Istorgia
modifitgarIl Fögl d'Engiadina è vegnì fundà l'onn 1857 dals reverendas Nicolo Kirchen, Gian Battista Tramèr e Janett Menni e redigì da Mathias Barblan e Simon Caratsch. Johann Thürr e Peter Caprez eran responsabels per la stamparia a Zuoz. L'emprim numer è cumparì il prim da schaner dal 1858.
Ulteriurs redacturs dal Fögl èn stads tranter auter Peter Conradin, Andreas Rudolf e Florian (von) Planta, Johann Rosius à Porta, Simon Tanner, Giachen Danz, Gian Fadri Caderas, Otto Töndury, Otto Schwarz, Enrico «Rico» Tung, Andrea Vital, Jon Guidon e Robert Ganzoni
Il 1940 ha il Fögl d'Engiadina fusiunà cun la Gazetta Ladina al Fögl Ladin che ha pli tard er incorporà Il Giuven Jauer ed è daventà uschia l'emprima gasetta che provedeva l'entira Engiadina e Val Müstair.
Ediziuns digitalisadas
modifitgarIl Fögl d'Engiadina è ina da las gasettas – e fin ussa l'unica gasetta rumantscha – ch'èn vegnidas digitalisadas en il project da digitalisaziun da la Biblioteca naziunala svizra. La digitalisaziun è il resultat d'ina cooperaziun tranter la Biblioteca naziunala e la Biblioteca Chantunala dal Grischun. Disponiblas èn las annadas 1887 fin 1939. Dal temp avant il 1887 n'han ins gì avunda numers, uschia che la Biblioteca naziunala ha relaschà in appel da metter a disposiziun singuls numers u entiras annadas da quel temp.[2]
Las annadas 1859, 1860, 1861 (senza ils emprims trais numers) e forsa autras èn disponiblas sin Google Books.
Referenzas
modifitgar- ↑ Artitgel «Fögl d'Engiadina» en il Lexicon istoric retic.
- ↑ Fögl d'Engiadina en la Collecziun digitala da la Biblioteca naziunala svizra] (tudestg, commentari davart la digitalisaziun)
Colliaziuns
modifitgar- Fögl d'Engiadina en il Lexicon istoric retic
- Versiun digitalisada da la Fögl d'Engiadina sin la plattafurma svizra per gasettas digitalisadas e-newspaperarchives.ch
- Ediziun digitalisada da las annadas 1887 fin 1939 en il project da digitalisaziun da la Biblioteca naziunala svizra
- Ediziun digitalisada da l'annada 1858 (emnas 18 fin 50) tar Google Books
- Ediziun digitalisada da l'entira annada 1859 tar Google Books
- Ediziun digitalisada da l'entira annada 1860 tar Google Books
- Ediziun digitalisada da l'annada 1861 (emnas 4 fin 52) tar Google Books