Toni Halter
|
Questa pagina è scritta en sursilvan. |
Toni Halter (* 20 da november 1914 a Valata; † 26 da december 1986 a Vella) ei stau in scribent romontsch.
Veta modifitgar
Sia giuventetgna ha Toni Halter passentau a Surcuolm. Suenter la scola primara ha el frequentau la scola claustrala a Mustér e lura il seminari scolastic a Cuira. Lura eis el staus scolast primar a Vella. Plinavon ha el studegiau scolast secundar a Friburg ed ei lura daventaus scolast secundar a Vella. El miera muort ina malsogna ils 27. da december 1986.
1941 entscheiva el a scriver ovras litteraras perquei che sia mumma miera quei onn. L’entschatta fa el cul raquent „Miu emprem sbargat ella veta“. Tut ils romans da Toni Halter ein gia duront sia veta vegni translatai per tudestg.
Toni Halter ha reschiert il premi da renconuschientscha dalla Svizra, Fundaziun da Schiller (1949 / 1962 / 1968) ed il premi da cudischs per giuventetgna (1960).
Ovras modifitgar
- L'entupada
- Il misteri da Caumastgira. Raquens. Cuera: Romania, 1943
- Igl um cul halumbart. Drama. Cuera: Romania, 1947
- Nus ed il Schuob. Raquens. Cuera: Ligia Romontscha, 1948
- Fumegl Bistgaun. Novella. Glogn: Calender, 1948
- Mia patria. Cuera: Lehrmittelverlag, 1949
- Nossas praulas. Cuera: Ligia Romontscha, 1951
- Il festival da Porclas. Drama. Cuera: Societad ret., 1952
- Culan da Crestaulta. Roman. Cuera: Romania, 1955
- Il cavalè della Greina. Roman. Mustér: Desertina, 1960
- General Demont. Drama. Mustér: Desertina, 1963
- Ils 3 s. retgs da Cavrida. Raquens. Cuera: Fontaniva, 1963
- General Demont. Drama en 5 acts. Mustér: Desertina, 1963
- La canzun dil Rein. Drama. Glion: Maggi&Co., 1965
- Caumsura. Roman. Cuera: Fontaniva, 1967
- Fein selvadi. Novellas, raquens. Mustér: Desertina, 1973
- Nadal. Raquens. Cuera: Ligia Romontscha, 1973
- Greina – regord lumnezian. Essay. Mustér: Desertina, 1973
- Diari suenter messa. Mustér: Desertina, 1977
- Patricia. Cudisch da giuventetgna. Mustèr: Desertina, 1981
- Naven da Valata. Roman. Mustér: Ediziuns Desertina e Romania, 1994. (Ovra cumpletta)
(Mira fontauna 1)
Resumaziun: L'entupada modifitgar
Quella historia tracta d'in um che va a catscha. Ina damaun eis el spassegiaus dil cuolm si e contemplava la natira ed era vid sesemiar. Per el era ei il pli bi gi dad esser ora ella natira, perquei mava el era a catscha. Sia buis era per el il fest magic che arva la porta en quei mund magic. Tutteninagada vegneva in pur encunter ad el da surengiu. Igl emprem era igl jester tut tuorbels, mo lu ha el viu el claramein. Al'entschatta han ins l'impressiun ch'ils dus umens semeglien in l'auter. Suenter in discuors da l'aura e dil purissem van els puspei mintgin sia atgna via.
Fontaunas modifitgar
- https://web.archive.org/web/20081114175023/http://www.bibliomedia.ch/de/autoren/Halter_Toni/784.html
- Deplazas, G., Funtaunas, Istorgia da la litteratura rumantscha per scola e pievel, tom 4, Lia rumantscha, Cuira, 1993
