Tunnel da basa dal Son Gottard
Aifer il project da la Nova lingia da viafier tras las Alps (NVTA) è er il tunnel da basa dal Gottard vegnì planisà. Il tunnel ha ina lunghezza da 57 kilometers ed è uschia cura ch’el vegn avert il pli lung tunnel dal mund. L’avertura è planisada per l’onn 2016. Entras quest tunnel vegn il temp da viadi tranter nord e sid scursanì fermamain. Il portal dal nord è ad Erstfeld ed il portal dal sid a Bodio.
