Anna Maria Bacher
Anna Maria Bacher (* 1947 a Grovella/Gurfulu, Piemunt, Italia) è ina poetessa che scriva en il dialect gualser da la Val Formazza (Pumattertitsch) e per talian.
Biografia modifitgar
Anna Maria Bacher è naschida il 1947 a Grovella/Gurfulu (vischnanca da Formazza/Pomatt) en la Val Formazza/Pomattertal, ina vallada da lingua gualsra en il Piemunt talian. Suenter la furmaziun vi dal Collegio Rosmini a Domodossola, ha ella dà scola primara a Ponte/Zumstägg en sia vallada natala, nua ch'ella viva oz cun sia famiglia. Dapi ses pensiunament s'engascha ella en l'Associazione Walser per la conservaziun da la lingua e cultura gualsra en la Val Formazza.
Dapi il 1983 ha ella publitgà pliras rimnadas da poesias en lingua gualsra e taliana, cun translaziuns en tudestg da scrittira da Kurt Wanner. Varsaquantas da sias poesias èn vegnidas mess en musica da Peter Roth, Heinz Holliger, Martin Derungs e Thüring Bräm. Ultra da quai ha ella publitgà plirs artitgels davart la vita e la cultura dals Gualsers en la Val Formazza en diversas revistas.[1][2]
Bibliografia modifitgar
- Rimnadas da poesias
- 1983 Z Kschpêl fam Tzit («Il gieu dal temp»)
- 1991 Litteri un Schattä («Glischs e sumbrivas»)
- 1994 Z Tzit fam Schnee («Il temp da la naiv»)
- 2001 Gägäsätz («Cuntrasts»)
- 2004 Kfarwät Schpurä («Fastizs en colur»)
- 2006 Wê im ä Tröim («Sco en in siemi»; includa las emprimas trais rimnadas e novas poesias anc inedidas)
- Varia
- 2007 Mu ferzellt («Ins raquinta»; rimnada d'anecdotas da la Val Formazza)
Referenzas modifitgar
- ↑ Anna Maria Bacher tar Walser Italiani (talian)
- ↑ Profil d'autura da la Chasa editura Limmat