Gian Singer
Gian Singer (* 1829 a Zuoz; † 1903 a Roma; burgais da Schlarigna) è stà in poet rumantsch.
Vita
modifitgarGian Singer è naschì l'onn 1829 a Zuoz. El ha smess la scola ed è emigrà a l'ester nua ch'el ha lavurà sco pastizier, cafetier ed um d'affars a Lecco, a Lyon, a Marsiglia ed a Firenza. Pli tard è el sa stabilì sco pastizier e cafetier, l'emprim a Livorno e lura a Roma, nua ch'el manava la pastizaria Ronzi e Singer en Piazza Colonna. Gian Singer è mort il 1903 a Roma.
Ovra
modifitgarGian Singer ha publitgà poesias «melodiusas e plain nostalgia»[1] en il Fögl d'Engiadina. Reto R. Bezzola cumpareglia Singer cun Gian Fadri Caderas, «ma el es main melanconic e's lascha niner dals suns da sa lingua materna, scu ün pitschen Verlaine».[2] Il 1876 ha el reunì sias poesias en il tom Poesias I. In segund volum n'è dentant mai cumparì. Il motiv per quai ans dat Gabriel Mützenberg:
«[...] Poesias I, que le public n'encourage ni ne critique. Un silence tuot d'indifférence semble étouffer la voix du poète.»
«[...] Poesias I, ch'il public ni lauda ni crititgescha. In silenzi plain indifferenza para stenschentar la vusch dal poet.»
Che Gian Singer è bain vegnì legì cumprova dentant il fatg ch'el figurescha en antologias e publicaziuns davart la litteratura e poesia rumantscha.
Litteratura
modifitgar- Peider Lansel: Musa ladina. Antologia da la poesia engiadinaisa moderna, precedüda d'üna cuorta survista da nossa litteratura poetica. Engadin Press, Samedan 1910.
- Reto R. Bezzola: Litteratura dals Rumauntschs e Ladins. Lia Rumantscha, Cuira 1979, p. 379
- Gabriel Mützenberg: Destin de la langue et de la littérature rhéto-romanes. Editions L'Age d'Homme, Lausanne 1991
- Poesias