Questa pagina è scritta en puter.

Suot ils ketuvim (minchataunt eir scrit: ketubim, ketuwim, ebraic: כְּתוּבִים per las scrittüras) vain incletta la terza part da la Bibgia ebraica dals Güdevs sper la Tora (tschegn) e'ls Nevi'im (profets).

Giob scu üna figüra impreschiunanta aint ils ketuvims, pittüro da Léon Bonnat (1833-1922)

Cuntgnieu modifitgar

  • ils psalms
  • il cudesch da Giob
  • il cudesch dals proverbis
  • ils tschinch uschedits megillot (= rollas da cudesch):
    • il cudesch da Rut
    • la chanzun da las chanzuns
    • il cudesch da l'ecclesiast
    • las lamantaziuns
    • il cudesch dad Ester
  • ils quatter cudeschs istorics:
    • il cudesch da Daniel
    • Esra
    • Nehemia
    • e'ls duos cudeschs da cronica

Origen modifitgar

Il process da la canonisaziun ho glivro arduond dal 100 zieva Cristus. La granda part dals ketuvims gniva considereda però già intuorn 190 aunz Cristus scu integreda aint illas scrittüras senchas.

Giudaissem modifitgar

In reguard a lur valur e lur adöver i'ls cults divins illas sinagogas sun ils ketubim suottamiss a las duos otras parts dal Tenach.

Cristianissem modifitgar

La tradiziun cristiauna quinta Giob, ils psalms, ils proverbis, a l'ecclesiast e la chanzun da las chanzuns als cudeschs poetics dal Vegl Testamaint, düraunt Esra, Nehemia e'ls duos cudeschs da cronica serran giò la part dals cudeschs istorics.