Liturgia

Questa pagina è scritta en puter.

La liturgia significha las ceremonias in connex cul cult divin i'l spazi dal giudaissem e dal cristianissem.

Gesu Crist culs elemaints da la Sencha Tschaina

Derivanza dal pled

Il pled grec as cumpuona da las duos parts leitos = public ed ergos = ouvra. Dimena managia liturgia oriundamaing ün'ouvra publica, nempe la celebraziun da la cumünaunza traunter Dieu e'ls umauns. Martin Luther ho tradüt la noziun biblica leiturgia cun cult divin ed ho creo telmaing l'inclet generel fin hozindi.

Confessiuns

Il protestantissem inclegia liturgia in prüma lingia scu la totalited dals elemaints d'ün cult divin intuorn la predgia, que sun urazchuns, lecziuns, arövs, chanzuns e la benedicziun.

Il seguond concil vaticaun da la baselgia romauna catolica ho defini: „Illa liturgia, impustüt i'l sacrifizi sench da l'eucaristia, capita l'ouvra da nos salvamaint, ed uschea prest'la üna contribuziun maximela cha la vita dals crettaivels dvainta expressiun e palanteda dal misteri da Crist e dal vair esser da la vaira baselgia“. (constituziun davart la liturgia sencha Sacrosanctum Concilium)

Colliaziuns

• L'institut liturgic tudas-ch (ün'instituziun catolica)
• La cumischiun da liturgia da las baselgias refurmedas in Svizra