Write.svg Questa pagina è scritta en puter.
Il papa actuel, Franzais-ch (per latin Franciscus), auncha scu cardinel Jorge Bergoglio dal an 2008

Il papa es il cho da la baselgia catolica romauna ed il schef mundiel dal stedi dal Vatican. In medem möd es papa u bap sench sieu titel religius ed uffiziel. Impü es il papa l'uvas-ch da Roma.

IstorgiaModifitgar

OrigenModifitgar

Seguond la cretta catolica deriva l'uffizi papel da Simon Petrus scu da quel apostel chi ho artschvieu da Gesu svess las clevs da tschêl, nempe per lier e schlier pchos. Numno vain in quist connex il lö biblic aint il evangeli seguond Matteus 16,18-19: "(18) Perque di eau [Gesu] a te: Tü est Petrus; e sün quist spelm vögl eau fabricher mia baselgia! Üngün inimih nu saro bun da la ruiner, niauncha la mort bricha. (19) A te vögl eau der las clevs per il nouv muond da Dieu. Que cha tü vainst a declarer impegnativ cò sün terra, que saro impegnativ eir davaunt Dieu" (traducziun da Gion Gaudenz, Il Nouv Testamaint. La buna nouva, 2004).

L'istorgia da la baselgiaModifitgar

L'uscheditta successiun apostolica - üna chadagna da consecraziuns sainz'interrupziun - dess garantir cha'l Spiert Sench resta sur da tuots temps davent collio cun l'ordinaziun dals papas.

Ils reformatuors dal 16evel tschientiner haun cumbattieu cunter la pussaunza in lur ögls anti-divina ed usurpeda dals papas. In seguit s'haun furmedas baselgias protestantas.

VariaModifitgar

La Guardgia svizra papela pissera per la sgürezza dal papa.

LitteraturaModifitgar

  • Georg Denzler: Das Papsttum (= Il papissem). Chesa editura C.H. Beck, München 1997, ISBN 3-406-41865-1.

ColliaziunsModifitgar