Baselgia catolica romana
|
Questa pagina è scritta en puter. |
La baselgia catolica romauna (in rumauntsch grischun baselgia catolica romana u baselgia roman-catolica), es la confessiun la pü granda infra il cristianissem e cumpiglia arduond 1,8 milliards aderents sül muond inter.
Il dom da San Peder i'l Vatican a Roma scu il center dal catolicissem mundiel
La comuniun a buocha - deda tres ün preir, e be il paun, na il chalsch - düraunt l'eucaristia scu ün segn da la baselgia catolica romauna (purtret illa baselgia San Carlo a Milaun)
StructurasEdit
La baselgia catolica romauna as basa sün üna ierarchia stricta chi vo da suringiò: da Gesu Crist svessa artschaiva il papa sia pussaunza, ils uvais-chs dal papa ed ils preirs darcho dals ovais-chs.
Simon Petrus vela illa tradiziun per il prüm papa, e cun el cumainza la suczessiun apostolica. Dimena as chatta eir il center dal catolizissem fin hozindi a Roma scu al lö da la mort da martir da Petrus.
Dals clerikers sun separos ils uschedits laics.
SacramaintsEdit
La doctrina da la baselgia disferenzchescha set sacramaints:
- il battaisem
- la craisma
- il matrimoni
- l'ordinaziun al preir
- la penitenza
- la Sencha Tschaina
- l'uncziun dals amalos e dals muribunds
LitteraturaEdit
- Medard Kehl: Die Kirche. Eine katholische Ekklesiologie (= La baselgia. Üna ecclesiologia catolica), Würzburg 2001; ISBN 3-429-01454-9.
- Hans Küng: Kleine Geschichte der katholischen Kirche (= Istorgetta da la baselgia catolica), Berlin 2002; ISBN 3-442-76039-9.