Wikipedia

Terratrembel da Tōhoku dal 2011

Il terratrembel da Tōhoku dal 2011 (giap. 2011年東北地方太平洋沖地震, litt. Terratrembel sin l'auta mar en l'Ocean Pacific avant la Regiun Tōhoku dal 2011 u 東日本大震災, litt. Gronda catastrofa dal terratrembel en il Giapun da l'Ost) era in terratrembel avant la costa da la regiun giapunaisa Tōhoku. El ha gì lieu ils 11 da mars 2011 a las 14:46:23 uras temp local (5:46:23 uras UTC resp. 6:46:23 uras MEZ). Ses epicenter sa chattava var 370 km al nordost da Tokio e 130 km en l'ost da Sendai. L'event vala sco il pli ferm terratrembel en il Giapun dapi l'entschatta da la registraziun da terratrembels en la regiun.

La fermezza dal terratrembel è vegnida inditgada da l'evaluaziun automatica da la United States Geological Survey cun la magnituda dal mument dad 8,9 Mw. L'ipocenter dal terratrembel sa chattava tenor questas indicaziuns en ina profunditat da 25 km.[1] Tenor indicaziuns da l'Uffizi Meteorologic Giapunais (JMA) aveva il terratrembel ina fermezza da 9,0 Mw; l'ipocenter sa chattava en ina profunditat da 24 km.[2][3] Tenor indicaziuns dal Pacific Tsunami Warning Center (PTWC) aveva il terratrembel ina fermezza da 9,1 sin la scala da Richter.[4]

Il terratrembel ha provocà in tsunami aut plirs meters.

A Kurihara en il nord da la prefectura Miyagi cuntanscheva il terratrembel l'intensitad maximala da 7 sin la scala giapunaisa (JMA).[5][6] El ha chaschunà grondas inundaziuns e havarias tar ovras atomaras en il nordost dal Giapun.

Survista tectonica

modifitgar
 
Survista tectonica da la regiun
Tge vul quai dir? → Tectonica da plattas

Il terratrembel en la vischinanza da la costa orientala da Honshū ("insla principala") era il resultat d'ina ruttadira inversa (Überschiebung) al cunfin tranter la Platta Pacifica e la Platta Nordamericana. En questa zona sa mova la Platta Pacifica mintg'onn 83 mm en media vers vest relativ a la Platta Nordamericana.

Questa sveltezza dal moviment dals continents (Kontinentaldrift) è ina valur media, che durant activitad seismica normala è considerablamain pli bassa, fin a quel punct che la tensiun stagnada vegn dada libra tut andetg entras in terratrembel. En connex cun il terratrembel da Sendai hai da tenor emprimas stimaziuns in moviment brusc dad almain 5 meters.[7]

Al Foss dal Giapun (Japangraben) sa mova la Platta Pacifica sut il bratsch meridiunal da la Platta Nordamericana e subducescha ensemen cun ella vinavant sut la Platta Eurasiana. Varsaquant seismologs sutdividan questa regiun en pliras microplattas, che en combinaziun provocheschan ils movimentsch tranter las Plattas Pacifica, Nordamericana ed Eurasiana. Quai pertutga oravant tut la Microplatta Ochotskica e la Microplatta da l'Amur en la part respectiva da l'America dal Nord e da l'Eurasia.

 
Charta dal terretrembel dals 11 da mars 2011

Il terratrembel vegniva precedì da plirs terratrembels anteriurs (Vorbeben) significants, che entschavevan ils 9 da mars cun in terratrembel cun ina magnituda da 7,2 Mw (l'epicenter dal qual sa chattava var 40 km dalunsch da l'epicenter dal terratrembel da Sendai) e suandà da trais auters terratrembels cun ina magnituda da dapli che 6,0 Mw il medem di.

Dapi l'onn 1973 avevan lieu al Foss dal Giapun nov events seismics cun ina magnituda da dapli che 7. Il pli ferm dals qual era il december 1994 in terratrrembel cun ina fermezza da 7,8, l'epicenter dal qual sa chattava var 230 km en il nord dal terratrembel da Sendai. Las consequenzas dal qual han mazzà trais persunas e bunamain 700 èn vegnidas blessadas. In terratrembel cun ina magnituda da 7,7 e cun epicenter 75 km pli al nord ha chaschunà la mort da 22 persunas e passa 400 blessads. Il december 2008 han gì lieu quatter terratrembels moderads (magnituda 5,3–5,8) en in conturn da 20 km tar il center dal terratrembel da Sendai.[8]

Terratrembels posteriurs

modifitgar

L'emprim terratrembel posteriur (Nachbeben) significant cun ina magnituda da 7,2 Mw ha gì lieu a las 14.53 uras temp local. I suandavan auters terratrembels cun magnitudas passa 6 Mw. Fin ussa hai da passa 150 terratrembels posteriurs.

Intensitad seismica

modifitgar
Intensitad seismica pli auta (Scala JMA)
5 u pli aut[6]
Prefectura Intensitad max.
Miyagi 7
Fukushima 6+
Ibaraki 6+
Tochigi 6+
Iwate 6−
Gunma 6−
Saitama 6−
Chiba 6−
Aomori 5+
Akita 5+
Yamagata 5+
Tokio
(er a Niijima)		 5+
Kanagawa 5+
Yamanashi 5+
Niigata 5−
Nagano 5−
Shizuoka 5−

La zona en la quala il terratrembel era da sentir, pia cun shindo (intensitad seismica tenor la scala giapunaisa, da 1 u pli aut) cumprendeva tut las quatter inslas principalas dal Giapun. Las consequenzas las pli fermas dal terratrembel tanschavan fin al nordost da la regiun gronda da Tokio, cun shindo da 6-jaku („6 flaivla“) u pli aut.

Effects

modifitgar

Terratrembel

modifitgar

En la citad dad Ichihara (prefectura da Chiba) ha ina raffinaria da petroli da la Cosmo Oil Company piglià fieu.[9] Trens dal Shinkansen girants èn vegnids fermads, sviadas (Entgleisungen) hai dentant betg dà.[10] L'eroport da Tokio-Narita è vegnì serrà temporaramain.[11] Plirs tocs da l'autostrada da Tōhoku n'eran betg pli carrabels.[12] A Tokio è il spitg da l'antenna sin il Tokyo Tower vegnì sturschì vesaivlamain.[13][14]

Pervia dal terratrembel stueven 210'000 persunas vegnir evacuadas, 5,5 milliuns chasadas eran senza electricitad ed 1 milliun chasadas senza aua.[15]

  •  
    La raffinaria da petroli da Cosmo ad Ichihara ha piglià fieu suenter in'exploiun.
  •  
    Passagiers sortan dad in tren fermà da la JR.
  •  
    A Tokio ha il terratrembel chaschunà pliras fieus.
  •  
    Il spitg da l'antenna sturschì dal Tokyo Tower a Tokio.

Geofisica

modifitgar

Il terratrembel ha spustà l'insla principala dal Giapun per 2,4 m[16] e l'axa da la terra per 10 cm.[17] Ultra da quai è la distibuziun da massas da la terra sa midada minimalmain, che aveva per consequenza che la terra sa volva uss in pau pli svelt che fin ussa. In di resp. ina rotaziun entira è ussa 1,8 microsecundas pli curta cha avant.[18]

Tsunami

modifitgar

Il terratrembel ha chaschunà il pli grond tsunami dapi 1100 onns en l'istorgia dal Giapun,[19] che ha devastà ina strifla da la costa cun fin 10 km vastadad per ina lunghezza da pliras tschient kilometers. Pertutgada era l'entira costa settentriunala da l'insla Honshū cun las prefecturas Fukushima, Miyagi ed Iwate en la regiun Tōhoku. Devastaziuns grevas mussan las citads Hachinohe, Kamaishi, Kesennuma,[20] Minamisanriku, Rikuzentakata,[20] Onagawa[20] e Sendai.[21]

A Sendai è l'eroport vegnì inundà cumplettamain. A Kamaishi è il tsunami entrà lunsch viaden en la terra ed ha lavà davent bastiments, autos e chasas. A Hochinohe èn grondas navs vegnidas lavadas sin la terra. A Kesennuma èn suenter fieus ruts ora che han chaschunà incendis in grondas parts da la citad.[22] Las citads da Minamisanriku e Rikuzentakata èn vegnidas devastadas cumplettamain dal tsunami, 10'000 persunas eran l'emprim sparidas.[23] Ina nav da passagiers cun 100 persunas è vegnida pigliada dal tsunami. Avant la costa dad Oarai è sa furmads gronds turnigls (Strudel) en la mar, sco gia tar tsunamis precedents.[24] In tren da l'East Japanese Railway Company (JR East) è svià (entgleist) sin la lingia d'Ōfunato en l'areal da la staziun da Nobiru en Higashi-Matsushima, uschia che nov passagiers èn stuì vegnir salvads or dad el. Quatter ulteriurs trens sin la lingia da Senseki, la lingia d'Ōfunato e la lingia da Kesennuma valavan sco sparids.[25]

Il Pacific Tsunamic Warning Center ha dà or avertiments per l'arrivada dal tsunami per bunamain tut l'Ocean pacific; quests avertiments cumprendan Giapun, Russia, l'insla da Marcus, las Marianas settentriunalas, Guam, Wake, las inslas Yap, las Filipinas, las inslas da Marshall, Palau, las inslas da Midway, Pohnpei, Chuuk, Kosrae, Indonesia, Papua Nova Guinea, Nauru, l'atoll da Johnston, las Salomonas, Kiribati, l'insla Howland, l'insla Baker, Hawai, Tuvalu, Palmyra, Vanuatu, Tokelau, Jarvis Island, Wallis e Fortuna, Samoa, la Samoa americana, Tonga, las inslas Cook, Niue, Australia, Fidschi, la Nova Caledonia, Tonga, Mexico, las inslas Karmadec, la Polinesia franzosa, Nova Zelanda, Pitcairn, Guatemala, El Salvador, Costa Rica, Nicaragua, l'Antarctica, Panama, Honduras, Chile, Ecuador, Columbia, Peru[26], sco era Alasca, la costa dal vest dal Canada e la costa dal vest dals Stadis Unids.

L'Uffizi Meteorologic Giapunais avertiva per la costa costa giapunaisa d'in tsunami da fin 10 meters autezza. La Crusch cotschna avertiva causa las infurmaziuns inizialas che l'amplituda dal tsunami po esser pli auta che l'autezza maximala da numerusas inslas en l'Ocean pacific.

Be in di avant il tsunami ha la regenza giapunaisa publitgà in video d'infurmaziun davarts tsunamis che cuntegna era instrucziun da cumportament.[27]

Survista sur amplituda e temp d'arriv dal tsunami en l'Ocean pacific
Lieu da mesira Stadi/Territori Coordinatas Temp d'arriv Amplituda
Hanasaki, Nemuro, Hokkaidō Giapun 43.3N 145.6E 06:56 1,83 m
Omaezaki, Honshū Giapun 34.6N 138.2E 08:18 1,42 m
Wake Stadis Unids 19.3N 166.6E 09:28 0,39 m
Naha, Okinawa Giapun 26.2N 127.7E 09:01 0,25 m
Saipan Stadis Unids 15.2N 145.7E 09:16 0,65 m
Tosashimizu, Shikoku Giapun 32.8N 133.0E 09:46 0,84 m
Yap Micronesia 9.5N 138.1E 10:13 0,15 m
Adak, Alasca Stadis Unids 51.9N 176.6W 10:34 0,35 m
Midwayinseln Stadis Unids 28.2N 177.4W 10:48 1,27 m
Nikolski, Alasca Stadis Unids 52.9N 168.9W 11:09 0,27 m
Kwajalein Inslas da Marshall 8.7N 167.7E 11:11 0,55 m
Legazpi Filippinas 13.1N 123.8E 11:16 0,25 m
Shemya, Alasca Stadis Unids 52.7N 174.1E 11:36 1,58 m
Nauru Nauru 0.5S 166.9E 11:56 0,20 m
Dutch Harbor, Alasca Stadis Unids 53.9N 166.5W 12:04 0,41 m
Johnston-Atoll Stadis Unids 16.7N 169.5W 12:06 0,20 m
Tern, French Frigate Shoals Stadis Unids 23.9N 166.3W 12:24 0,38 m
Betio, Tarawa Kiribati 1.4N 172.9E 12:25 0,21 m
Saint Paul Island, Alasca Stadis Unids 57.1N 170.3W 12:28 0,65 m
Barbers Point, Hawaii Stadis Unids 21.3N 158.1W 13:08 0,70 m
Kahului, Maui Stadis Unids 20.9N 156.5W 13:27 1,74 m
Nawiliwili, Kauai Stadis Unids 22.0N 159.4W 13:43 0,76 m
Hilo, Hawaii Stadis Unids 19.7N 155.1W 14:09 1,41 m
Honolulu, Oahu Stadis Unids 21.3N 157.9W 14:10 0,71 m
Kawaihae, Hawaii Stadis Unids 20.0N 155.8W 14:13 1,22 m
Manus Papua Nova Guinea 2.0S 147.4E 14:25 0,93 m
Kanton Kiribati 2.8S 171.7W 14:25 0,05 m
Honiara Salomonas 9.4S 160.0E 14:36 0,26 m
Kiritimati Kiribati 2.0N 157.5W 14:47 0,56 m
Winter Harbour, British Columbia Canada 50.7N 128.3W 15:05 0,47 m
Subic Bay Filippinas 14.8N 120.3E 15:17 0,07 m
Lombrum, Manus Papua Nova Guinea 2.0S 147.4E 15:29 1,04 m
Kaumalapau, Hawaii Stadis Unids 20.8N 156.9W 15:31 0,91 m
Luganville Vanuatu 15.5S 167.2E 15:37 0,54 m
Langara Point, British Columbia Canada 54.2N 133.1W 15:39 0,52 m
Arena Cove, California Stadis Unids 38.9N 123.7W 15:40 0,82 m
Vanuatu Vanuatu 17.8S 168.3E 15:42 0,69 m
Lautoka Fidschi 17.6S 177.4E 15:45 0,33 m
Charleston, Oregon Stadis Unids 43.3N 124.3W 15:45 0,49 m
Humboldt Bay Stadis Unids 40.8N 124.2W 15:53 0,54 m
Pago Pago Samoa Americana 14.3S 170.7W 15:56 0,34 m
Port San Luis, California Stadis Unids 35.2N 120.8W 16:54 1,88 m
Crescent City, California Stadis Unids 41.7N 124.2W 16:57 2,02 m
Port Orford (Oregon) Stadis Unids 42.7N 124.5W 17:24 1,85 m
Bitung Indonesia 0.4N 125.2E 17:27 0,26 m
San Francisco, California Stadis Unids 37.8N 122.5W 17:49 0,64 m
Nukuʻalofa Tonga 21.1S 175.2W 17:51 0,37 m
Adak, Alasca Stadis Unids 51.9N 176.6W 17:55 1,09 m
Point Reyes, California Stadis Unids 38.0N 123.0W 18:10 1,38 m
Rarotonga Inslas Cook 21.2S 159.8W 18:13 0,29 m
Rangiroa Polinesia franzosa 14.9S 147.7W 18:22 0,29 m
Papeete, Tahiti Polinesia franzosa 17.5S 149.6W 18:22 0,39 m
Nuku Hiva, Marquesas Polinesia franzosa 8.9S 140.1W 18:24 1,48 m
Cabo San Lucas Mexico 22.9N 109.9W 19:06 0,22 m
Westport, Washington Stadis Unids 46.9N 124.1W 19:20 0,62 m
North Cape Nova Zelanda 34.4S 173.0E 20:01 0,25 m
La Jolla, California Stadis Unids 32.9N 117.3W 20:07 0,43 m
Monterey Harbor, California Stadis Unids 36.6N 121.9W 20:13 0,72 m
Rikitea Polinesia franzosa 23.1S 135.0W 20:14 0,21 m
Los Angeles, California Stadis Unids 33.7N 118.3W 21:15 0,51 m
San Diego, California Stadis Unids 32.7N 117.2W 21:31 0,51 m
Old Harbor, Alasca Stadis Unids 57.2N 153.3W 21:54 0,33 m
Lottin Point Nova Zelanda 37.6S 178.2E 22:09 0,33 m
Kodiak, Alasca Stadis Unids 57.7N 152.5W 22:11 0,28 m
Santa Monica, California Stadis Unids 34.0N 118.5W 22:23 0,84 m
Waitangi, Chatham-Inseln Nova Zelanda 43.9S 176.6W 22:30 0,67 m
Acapulco Mexico 16.8N 99.9W 22:54 0,77 m
Spring Bay, Tasmanien Australia 42.5S 147.9E 22:59 0,19 m
Jackson Bay Nova Zelanda 44.0S 168.6E 23:25 0,35 m
Santa Barbara, California Stadis Unids 34.4N 119.7W 23:45 0,99 m
Baltra, Galapagos Ecuador 0.4S 90.3W 23:54 0,82 m
Quepos Costa Rica 9.4N 84.2W 00:01 0,18 m
Acajutla El Salvador 13.6N 89.8W 00:04 0,20 m
Christchurch Nova Zelanda 43.6S 172.8E 00:16 0,27 m
Owenga, Chatham-Inseln Nova Zelanda 44.0S 176.4W 00:20 0,81 m
Santacruz, Galapagos Ecuador 0.7S 90.3W 00:38 1,77 m
Manzanillo Mexico 19.1N 104.3W 01:17 1,45 m
Osterinsel Chile 27.2S 109.4W 01:24 0,73 m
La Libertad Ecuador 2.2S 80.9W 02:39 1,23 m
Atico Peru 16.2S 73.7W 04:05 0,33 m
Coquimbo Chile 30.0S 71.3W 04:38 1,46 m
Callao Peru 12.1S 77.2W 04:44 1,67 m
Caldera Chile 27.1S 70.8W 04:46 1,41 m
Talcahuano Chile 36.7S 73.1W 05:33 1,06 m
San Félix Chile 26.3S 80.1W 05:36 0,51 m
Iquique Chile 20.2S 70.1W 05:44 0,72 m
Corral Chile 39.9S 73.4W 06:02 1,25 m
Arica Chile 18.5S 70.3W 06:19 1,25 m
Funtaunas: NOAA PTWC & AWCTWC. Tut las indicaziuns èn en UTC. Uras tranter 00:00 e 06:30 valan per ils 12 da mars.

Colliaziuns

modifitgar
 
Commons
 Commons: Terratrembel da Sendai 2011 – Collecziun da maletgs, videos e datotecas d'audio
Live streams da la televisiun giapunaisa
Novitads
  Wikinews: Schweres Erdbeben vor der japanischen Küste löst verheerenden Tsunami aus – en las novitads (tudestg)
Infurmaziuns generalas

Referenzas

modifitgar
  1. ↑ Magnitude 8.9 – NEAR THE EAST COAST OF HONSHU, JAPAN (Englisch) United States Geological Survey. 11 da mars 2011. Consultà ils 11 da mars 2011.
  2. ↑ Informationen zum Erdbeben (Japanisch) Japan Meteorological Agency. 11 da mars 2011. Consultà ils 11 da mars 2011.
  3. ↑ Massive quake hits northeastern Japan (Englisch) NHK World. 11 da mars 2011. Archivà da l'original ils 27 da fanadur 2011. Consultà ils 11 da mars 2011.
  4. ↑ Star Advertiser, 11. März 2011
  5. ↑ NHK News: Intensitätsverteilung
  6. ↑ 6,0 6,1 Kishō-chō (engl. JMA): Erdbebenbericht: Hypozentrum und Intensitäten (japanisch, englisch)
  7. ↑ Intervista al Deutschlandfunk cun Dagmar Röhrlich
  8. ↑ USGS: Magnitude 8.9 – Near The East Coast Of Honshu, Japan (engl.)
  9. ↑ Japan earthquake causes oil refinery inferno. Daily Telegraph, London, 11. März 2011
  10. ↑ Schweres Erdbeben: Verheerende Tsunami-Welle trifft Japans Küste. Spiegel.de. Consultà ils 11 da mars 2011.
  11. ↑ Japan: Gefahr durch Nachbeben und weitere Flutwellen. tagesschau.de. Archivà da l'original ils 14 da mars 2011. Consultà ils 11 da mars 2011.
  12. ↑ Japan earthquake and tsunami: Fears of massive death toll | Mail Online
  13. ↑ Tokio-Tower verbogen
  14. ↑ Bild des verbogenen Tokyo Towers
  15. ↑ Deaths, people missing set to top 1,700: Edano. (en) In: The Japan Times Online. 2011-03-13 (Stand: 2011-03-12).
  16. ↑ Earthquake Shifts Japan Islands and Earth Axis. In: The World Reporter. 2011-03-12 (Stand: 2011-03-13).
  17. ↑ Starker Ruck: Japan-Beben verschiebt Erdachse. In: Spiegel Online. 2011-03-12 (Stand: 2011-03-12).
  18. ↑ Beben verschiebt Japan um zwei Meter. In: Web.de. 2011-03-14 (Stand: 2011-03-14).
  19. ↑ Ein japanischer Professor berichtet NHK World News am Morgen des 14. März 2011 von den Häufigkeiten derartiger Ereignisse
  20. ↑ 20,0 20,1 20,2 Yomiuri Shimbun-sha (editur): Number of dead, missing rises to 1,400. (en) In: Daily Yomiuri Online. 2011-03-13 (Stand: 2011-03-13).
  21. ↑ Tsunami-Katastrophe in Japan: Regierung erklärt Notstand in Atomanlage. Spiegel.de. Consultà ils 11 da mars 2011.
  22. ↑ Kesennuma burns through the night after earthquake, guardian.co.uk, 11. März 2011.
  23. ↑ [1]Model:Dead link
  24. ↑ Why Japan's Tsunami Triggered an Enormous Whirlpool
  25. ↑ More than 1,200 dead or unaccounted for in megaquake. (en) In: Kyodo News. 2011-03-12 (Stand: 2011-03-12).
  26. ↑ TSUNAMI BULLETIN NUMBER 004 (Englisch) Pacific Tsunami Warning Center. 11 da mars 2011. Consultà ils 11 da mars 2011.
  27. ↑ Japanese Government Internet TV: Do you know how scary a tsunami is? vom 10. März 2011 (abgerufen am 14. März 2011)
Da "https://rm.wikipedia.org/w/index.php?title=Terratrembel_da_Tōhoku_dal_2011&oldid=163553"