Terz cudesch da Moses
|
Questa pagina è scritta en puter. |
Il terz cudesch da Moses (eir numno Leviticus in lingua latina seguond la schlatta sacrela traunter las razzas d'Israel u Wajikra in lingua hebraica per motiv dals prüms pleds dal cudesch ויקרא, que voul dir el ho clamo) es ün cudesch biblic e la terza part da la Tora güdeva respectivamaing dals cudeschs da Moses aint il Vegl Testamaint tar ils cristiauns.
Cuntgnieu
modifitgarIl cudesch tematisescha in 27 chapitels in prüma lingia il cult divin aint ed intuorn il taimpel da Gerusalem e las incumbenzas sacrelas dals preirs e sacerdots. Ils preirs simpels, ils uschedits levits, chi haun do eir il nom al cudesch, as chattan be in ün unic lö.
Il di da la reconciliaziun, Jom Kippur, vain descrit in chapitel 16.
Ledscha da senchited
modifitgarIls chapitels 17-26 sun dedichos a la ledscha da senchited. Ils möds da cuntegn permiss in vista a spaisas e bes-chas da sacrifizi staun aint il center. Que es tenor la cretta giudeva da grand'importanza perche cha'l saung chi vain spans es il purteder da la vita e dimena sanctificho a Dieu.
Recepziun
modifitgarI'l spazi dal giudaissem vain il cudesch onuro scu il fundamaint da l'instrucziun religiusa da la giuventüna. Il cristianissem invezza es resto pel solit in distanza vers il cudesch e'l interpretescha be simbolicamaing.