Clementina Gilly

Clementina Gilly (era Clementina Gilli; * 26 d'avrigl 1858 a Modena (Italia); † 21 da november 1942 a Zuoz) è stada ina scriptura, poetessa e translatura da litteratura rumantscha.

Vita

Clementina Gilly è naschida l'onn 1856 a Modena en ina famiglia da Randulins. Ella ha frequentà las scolas a Zuoz ed in institut englais a Padova. Ella ha vivì cun sia famiglia a Formigine en l'Emilia ed è turnada il 1875 a Zuoz, nua ch'ella ha lavurà diesch onns tar la posta. Pli tard è ella daventada collavuratura dal romanist e lexicograf Anton Velleman che ha cumponì ina grammatica per l'Engiadin'Ota. Ultra da quai è ella sa participada a la redacziun ed a l'ediziun da revistas e chalenders. Clementina Gilly è morta il 1942 a Zuoz.

Ovra

Grazia a sias conuschientschas linguisticas fundadas è ella daventada ina da las pli impurtantas intermediaturas da litteratura estra en terra rumantscha. Il 1909 ha ella cumenzà a translatar texts tudestgs e talians en puter, tranter auter romans e novellas da Heinrich Federer, Theodor Storm, Jeremias Gotthelf, Conrad Ferdinand Meyer e Francesco Chiesa ed il 1940 il «Wilhelm Tell» da Schiller.

Sut il pseudonim Clio ha Clementina Gilly scrit numerusas poesias ch'èn vegnidas publitgadas en il Fögl d'Engiadina ed il Chalender Ladin. Il 1926 ha ella edì in tom da collecziun che cuntegna dasper sias atgnas poesias era translaziuns da poesias talianas, tudestgas, franzosas ed englaisas.

Distincziuns

1941 premi da la Fundaziun Schiller svizra

Publicaziuns

Rico Valär, Annetta Ganzoni, Edith Prescott: Clementina Gilly - Traunter di e not, Chasa Editura Rumantscha, Chuira, 2022, ISBN 978-3-03845-081-8.
Domenica Messmer: Pleds d’Algurdentscha a Clementina Gilly, Annalas da la Societad Retorumantscha #57 (1943) (in Romanisch)

Funtaunas

Clementina Gilly en il Lexicon istoric retic
Clementina Gilly en il Lexicon da teater svizzer
Pleds d’Algurdentscha a Clementina Gilly von Annalas da la Societad Retorumantscha #57 (1943) von Domenica Messmer
Peider Lansel: Musa ladina. Antologia da la poesia engiadinaisa moderna, precedüda d'üna cuorta survista da nossa litteratura poetica. Engadin Press, Samedan 1910.