Lingua ungaraisa
La lingua ungaraisa (denominaziun propria magyar u magyar nyelv) appartegna al rom ugro-finnica da la famiglia linguistica uralica.
El è la lingua uffiziala da l'Ungaria ed ina da las linguas uffizialas regiunalas da la Voivodina en Serbia. Plinavant datti minoritads da lingua ungaraisa en la Croazia, il Burgenland austriac, la Transilvania en Rumenia, la Slovachia, la Slovenia e da l'oblast' Sakarpatska (Transkarpatien) en l'Ucraina. L'ungarais è era ina da las linguas uffizialas da l'UE.
Las pli grondas linguas parentadas da l'ungarais èn il finlandais e l'eston.
Alfabet
modifitgarL'alfabet ungarais cumprenda 44 bustabs:
- a á b c cs d dz dzs e é f g gy h i í j k l ly m n ny o ó ö ő p q r s sz t ty u ú ü ű v w x y z zs
Ils suns ö, ő, ü, ű vegnan pronunziads sco ö, ü en il pleds tudestgs Vögel e Büro. Ils accents marcan la lunghezza da la pronunzia.
Scrittira vegla
modifitgarDavant la istorgia scritta da ungarais glieuds han pussà duvrar bustabs speziala. Memoria blera da la scrittira vegal è principalmain en Rumenia (Transsilvania).
Numer dals pledarers
modifitgarIl ungarais vegn discurrì da var 14,5 milliuns persunas en il mund. En Ungaria 10 milliuns persunas discurran questa lingua, en la Uniun Europea 12 milliuns persunas discurran l'ungarès (en Rumenia 1,4 milliuns, en Slovachia 520 000), en Serbia 285 000, en Stadis Unids 1,4 milliuns.
| Pajais | Numer dals pledarers | Elevaziun |
|---|---|---|
| Ungaria | 9.546.374 | 2001 |
| Rumenia | 1.443.970 | 2002 |
| Stadis Unids | 1.400.000 | 2000 |
| Slovachia | 520.528 | 2001 |
| Serbia | 285.000 | 2002 |
| Israel | 250.000 | |
| Ucraina | 149.400 | 2001 |
| Germania | 120.000 | 2001 |
| Canada | 75.555 | 2001 |
| Svezia | 35.000 | |
| Austria | 22.000 | |
| Croazia | 16.500 | |
| Slovenia | 9.240 | |
Exemplar da la lingua
modifitgar- Igen = Gea
- Nem = Na
- Jó, Jól = bun, bain
- Hogy vagy? = Co vai?
- Hol laksz? = Nua abits?
- Mennyibe kerül? = Quant custa?
- Köszönöm (szépen). = Grazia (fitg).
- Szia= Allegra
- Jó napot! = Bun di.
- Viszontlátásra! = A revair.