Selina Chönz
|
Questa pagina è scritta en puter. |
Selina Chönz (Samedan, 4 october 1910 - 17 favrer 2000) füt ün'autura da cudesch pella giuventüna svizra. Sieu cudesch il pü renumno es Uorsin, scrit dal 1945 ed illustro da l'artist Alois Carigiet.
Biografia modifitgar
Naschida in Engiadina, fet Selina Chönz a Berna üna furmaziun scu magistra da scoulina. Zieva avair fat sogiuorns linguistics a Losanna ed Oxford, turnet ella in Engiadina.
Zieva la Seguonda Guerra mundiela cumanzet ella a scriver cudeschs pella giuventüna. Traunter quists es sgüramaing il pü renumno Uorsin, publicho dal 1945.
Uorsin modifitgar
Publicho dal 1945 in rumauntsch puter, gnit Uorsin tradüt na be in tudas-ch (Schellen-Ursli), ma eir in bgeras otras linguas: il cudeschs es gnieu vendieu in pü d'ün milliun da copias in tuot il muond.
Il cudesch quinta l'istorgia dad Uorsin, iffaunt engiadinais chi voul festager il Chalandamarz scu tuot ils oters mattins. Ma, zieva cha minchün vaiva già piglio ün sain da sclinger per fer ir davent l'inviern, s'inaccordscha'l, cha in tuot la vschinauncha es resto be il sain il pü pitschen. Alura s'algorda'l d'ün sainun, chi eira plazzo sün ün talvo susöm üna muntagna. Dimena vo'l sul sulet sülla muntagna immez a la naiv e, cun bgeras difficulteds, reuschescha a river al talvo, a piglier il gross sain e a turner a sieu vih per festager il Chalandamarz. In quist möd, aviand il sain il pü grand da tuots, dvainta Uorsin l'eroe dal di illa vschinauncha.
Impü es il cudesch illustro da l'artist sursilvaun Alois Carigiet, chi ho uschè cuntribuieu al success da l'istorgia ed a fer cugnuoscher eir cun las illustraziuns la festa ladina dal Chalandamarz.
Bainbod dvantet Uorsin ün dals cudeschs illustros svizzers ils püs renumnos dal muond.
Otras activiteds modifitgar
Selina Chönz scrivet otras cudeschs pella giuventüna, adüna illustros dad Alois Carigiet, ed eir novellas.
Ouvras modifitgar
Cudeschs modifitgar
- Uorsin (1945), illustro dad Alois Carigiet
- Flurina (1952), illustro dad Alois Carigiet
- Der grosse Schnee (1957, "Naiveras"), illustro dad Alois Carigiet