Tumasch d'Aquino

Questa pagina è scritta en puter.

Tumasch d'Aquino (* intuorn dal 1225 sül chastè Roccasecca sper Aquino illa provinza taliauna Latinum, † dals 7 da marz 1274 a Fossanova; per taliaun Tommaso d'Aquino) d'eira ün muong dals dominicauns ed ün dals teologs e filosofs cristiauns cun l'influenza la pü granda i'l temp d'immez. Sieus effets tendschan fin al preschaint.

Tumasch d'Aquino sün üna pittüra da Carlo Crivelli dal 15evel tschientiner, preschanto scu ün magister da la doctrina uffiziela da la baselgia e'l fundatur d'üna teologia classica ed instruida fin hozindi

Vita

Tumasch faiva stüdis da teologia e filosofia suot sieu magister academic Albertus Magnus a las universiteds da Paris e da Colonia. Pü tard lavuraiva'l scu scienzio e mneder in clostras da Napoli ed impustüt ad Orvieto, inua cha eir la granda part da sias ouvras gniva scritta.

Teologia

Super libros de generatione et corruptione

Tumasch vela pel rapreschantant principel da la scolastica ota e fuorma dimena il punct culminant da quella direcziun dal penser chi collia ils impissamaints da l'antica culs fundamaints da la cretta cristiauna.

Istorgia da recepziun

Tumasch d'Aquino es gnieu canoniso dals 18 da lügl 1323 dal papa Gioannes XXII. e vain onuro scu ün sench illa baselgia catolica romauna a partir da quista data.

Litteratura

Introducziuns

• David Berger: Thomas von Aquin begegnen (= inscuntrer a Tumasch d'Aquino). Chesa editura Sankt Ulrich, Augsburg 2002, ISBN 3-929246-77-5.

Colliaziuns

• Tuot las ouvras per latin illa versiun originela