Il dialect medelin furma - ensemen cun il dialect da la Val Tujetsch, il tuatschin - ina varianta dal sursilvan vegl. El mussa caracteristicas dals dialects dal Grischun central e da l'Engiadina ch'èn idas a perder en il sursilvan nov che vegn discurrì en il rest da la Surselva. Il tuatschin para d'esser stà immun envers midadas linguisticas dal 15avel e dal 18avel tschientaner che han allontanà il sursilvan dals auters dialects grischuns. Malgrà la distanza geografica furman il tuatschin ed il medelin la colliaziun linguistica tranter il sursilvan ed il Grischun central.
Repartiziun dals idioms rumantschs en il Grischun:
